Сергеевич В.И. Лекции и исследования по древній истории русскаго права. Спб, 1910.

20. Иванишев Н. Д. О плате за убийство в древнем русском и других славянских законодательствах в сравнении с германской вирою: Рассуждение, напис. адъюнктом Николаем Иванишевым для получ. степ. д-ра рос. законоведения. - Киев: Унив. тип., 1840. - [8], 112 с.

21. Лешков В. Русский народ и государство: История русскаго общественнаго права до XVIII века. М., 1858.

22. Леонтович Ф. Русская Правда и Литовский Статут. К. 1805.

23. Юшков С. В. Русская Правда: происхождение, источники, ее значение. — М: Гос. изд-во юрид. лит-ры, 1950.

24. Юшков С.В. Учебное пособие по истории государства и права СССР. М.-Л, 1946.

25. Щапов А.П. Византийское и южнославянское правовое наследие на Руси в XI-XIII в. Москва, 1978.

ДОКУМЕНТИ:

Документ №1: Устав князя Владимира Святославича «О десятинах и церковных людях»

1. Во имя отца, и сына, и святаго духа.

2. Се яз, князь великий Василей, нарицаемыи Володимер, сын Святославль, внук Игорев (и) блаженыя Ольгы, усприал есмь крещение святое от греческых цареи Констянтина и Василия и Фотея патриарха, взях первого митрополита Михаила на Киев и на всю Русь, иже крести всю землю Рускую.

3. И по том летом минувшим, создах церковь святую богородицю и дах десятину к ней во всей земли Рускои княжения от всего суда 10-тыи грош, ис торгу 10-тую неделю, из домов на всякое лето 10-е всякаго стада и всякаго живота чюднои матери божий и чудному Спасу.

4. И по том возрех в греческий номоканун и обретох в нем, юже не подобает сих тяжь и судов судити князю, ни бояром, ни судьям его.

5. И сгадав аз со своею княгиною Анною и со своими детьми, дал есмь святой Богородици и митрополиту и всем епископом.

6. А ты не ступають ни дети мои, ни внуци мои, ни род мои в люди церковныя и во все суды.

7. И по всем городом дал есмь, и по погостом, и по свободам, где крестьяне суть.

8. А кто вступит на мое дание, суд мне с тем пред богом, а митрополиту проклинати его сбором.

9. Дал есмь: роспусты, смильное, заставание, умыкание, пошибание, промежи мужем и женою о животе, или о племени, или о сватовстве поимутся, ведство, урекание узлы, зелье, еретичество, зубоядение, иже отца и матерь бьют, или сын и дочи бьетася, иже истяжются о задници.

10. Митрополнчи люди церковныи: игумен, игумениа, (поп, попадья), поповичеве, чернец, черница, дьякон, дьяконовая, проскурнии, а, пономарь, вдовица, калика, стороник, задушныи человек, прикладник, хромец, слепец, дьяк, и ви причетници церковный.

11. Аще их кто внидет в вину, судити тех митрополиту и епископом опрочи мирян.

Джерело: Российское законодательство X-XX веков. Т. 1. М., 1984. С.139-140.

Документ №2: Краткая редакция Устава князя Ярослава Владимировича «О церковных судах»

1. Се яз, князь великыи Ярослав, сын Володимерь, по данию отца своего с.гадал есмь с митрополитом с Ларионом, сложил есмь греческыи номоканун; аже не подобаеть сих тяжь судити князю и бояром, дал есмь митрополиту и епископъм те суды, что писаны в правилех, в номакануне, по всем городом и по всеи области, где християнственое.

2. Аже кто умчить девку или насилить, аже боярьская дчи, за сором ей 5 гривен золота, а епископу 5 гривен золота; а менших бояр гривна золота, а епископу гривна золота; добрых людей за сором 5 гривен серебра, а епископу 5 гривен серебра; а на умычницех по гривне серебра епископу, а князь казнить их.

3. Аще кто пошибаеть боярьскую дщерь или болярскую жену, за сором ей 5 гривен золота, а епископу 5 гривен золота; а менших бояр — гривна золота, а епископу — гривна золота; а нарочитых людеи 3 рубли, а епископу 3 рубли; а простои чади 15 гривен, а епископу 15 гривен, а князю казнити.

4. Аже пустит болярин велик жену без вины, за сором ей 300 гривен, а епископу 5 гривен золота; а нарочитых людии 3 рубли, а епископу 3 рубли; а простои чади 15 гривен, а епископу 15 гривен, а князь казнить.

5. Аже у отца и у матери дчи девкою детяти добудеть, обдичив, ю поняти в дом церковный.

6. Тако же и женка, а чимь ю род окупить.

7. Аже девку умолвить к себе кто и дасть в толоку, на умолвьнице епископу 3 гривны серебра, а девце за сором 3 гривны серебра; а на толочнех по рублю, а князь казнить.

8. Аже муж от жены блядеть, епископу в вине, а князь казнить.

9. Аже муж ожениться иною женою, с старою не роспустився, муж тъи епископу в вине, а молодую в дом церковный, а с старою жити.

10. Аже жене лихии недуг болить, или слепота, или долгая болезнь, про то ее не пустити.

11. Тако же и жене нельзе пустити мужа.

12. Аже кум с кумою створить блуд, епископу гривна золота, и во опитемии

13. Аже кто зажжеть двор, или гумно, или что иное, епископу 100 гривен, а князь казнить.

14. Аже кто с сестрою съгрешить, епископу 100 гривен а во опитемии и в казни по закону.

15. Аже ближний род поиметься, епископу 80 гривен, а их разлучити, а опитемию да примут.

16. Аже две жене кто водить, епископу 40 гривен, а которая подлегла, та поняти в дом церковный, а первую держить по закону. А иметь лихо водити ю, казнию казнити его.

17. Аже муж с женою по своей воли роспуститься, епископу 12 гривен, а буде не венчалныи, епископу 6 гривен.

18. Аже кто сблюдить с черницею, епископу 100 гривен, а с животиною 12 гривен, а во опитемию вложить.

19. Аже свекор с снохою сблудить, епископу 100 гривен, а опитемия по закону.

20. Аще кто с двема сестрома падеться, епископу 30 гривен.

21. Аже девер с ятровью падеться, епископу 30 гривен.

22. Аже кто с мачехою сблудить епископу 40 гривен.

23. Аже два брата будуть со одиною женкою, епископу 100 гривен, а женка в дом.

24. Аже девка не восхочеть замуж, а отець и мати силою дадут, а что створить над собою — отець и мати епископу в вине, а истор има платити. Тако же и отрок.

25. Аже кто зоветь чюжу жену блядию великих бояр, за сором ей 5 гривен золота, а епископу 5 гривен золота, а князь казнить; а будеть менших бояр, за сором ей 3 гривны золота, а епископу 3 гривны золота; а буде городцких людии, за сором ей 3 гривны серебра, а епископу 3 гривны серебра, а селских людии за сором ей гривна серебра, а епископу гривна серебра.

26. Аже пострижеть голову или бороду, епископу 12 гривен, а князь казнить.

27. Аже муж иметь красти конопли, или лен, и всякое жито, епископу в вине с князем наполы. Тако же и женка, аже иметь то красти.

28. Аже муж крадеть белые порты, или полотна, и портища, поневы, тако же и женка, епископу в вине с князем наполы.

29. Свадебное и сгородное бои и убийство, аже что учиниться и душегубьство, платят виру князю с владыкою наполы.

30. Аще мужа два бьетася женскы, или укусить, или одереть, епископу три гривны.

31. Аже муж биеть чюжу жену, за сором ей по закону, а пискупу 6 гривен.

32. Аже сын бьеть отца или матерь, да казнять его волостелскою казнию, а епископу в вине.

33. Аже девка восхощеть замуж, а отець и мати не дадят, а что створить, епископу в вине отець и мати. Тако же и отрок.

34. Аже чернец, или черница, или поп, или попадия, или проскурница впадуть в блюд, тех судити епископу оприсно мирян и во что их осудить волен.

35. Аще поп или чернець упиются без времене, епископу в вине.

36. Аще чернец или черница рострижеться, епископу в вине, во что их обрядить.

37. А что дееться в домовных людех, и в церковных, и в самех манастырех, а не вступаются княжи волостели в то, а ть ведают их пископли волостели и безатщина их пископу поидеть.

38. А кто уставление мое порушить, или сынове мои, или внуци мои, или правнуци мои, или от рода моего кто, или от бояр кто, а порушать ряд мои и вступяться, в суды митрополичи, что есмь дал митрополиту и церкви и пископьям по всем градом по правилом святых отець, судивше, казнити по закону.

39. А кто иметься в тыя суды в церковныя вступатися, християнско имя не наречется на том, а от святых отець 318 да будеть проклят.

Джерело: Российское законодательство X-XX веков. Т. 1. М., 1984. С.168-170.

Система охраняемых территорий в США Изучение особо охраняемых природных территорий(ООПТ) США представляет особый интерес по многим причинам...

Что делать, если нет взаимности? А теперь спустимся с небес на землю. Приземлились? Продолжаем разговор...

Конфликты в семейной жизни. Как это изменить? Редкий брак и взаимоотношения существуют без конфликтов и напряженности. Через это проходят все...

ЧТО И КАК ПИСАЛИ О МОДЕ В ЖУРНАЛАХ НАЧАЛА XX ВЕКА Первый номер журнала «Аполлон» за 1909 г. начинался, по сути, с программного заявления редакции журнала...

Не нашли то, что искали? Воспользуйтесь поиском гугл на сайте: